გემშვიდობები ჩემო ბლოგუნა

ზუსტად ერთი კვირაა პოსტი არ დამიწერია, ალბათ ეს ბლოგიც მომბეზრდა ისე როგორც სხვა ყველაფერი. ცხოვრება ჩვეული სისწრაფით, მოულოდნელობებით, ერთფეროვნებით, სიხარულითა და ხანდახან იმედგაცრუებით მიდის.

განსაკუთრებული არაფერი ხდება რის შესახებაც შეიძლება დავწერო, პრინციპში არც წინათ ხდებოდა მაგრამ მაინც ვწერდი, ახლა ამის სურვილი აღარ მაქვს. გული მწყდება, მაგრამ უკვე ვგრძნობ რომ უნდა გავიზარდო.

რომელიმე საინტერესო ხელოვანს თუ წავაწყდები აუცილებლად დავწერ მასზე.

ილუსტრაციებმა და კომპიუტერულმა გრაფიკამ გამიტაცა, რაღაცეებ ვცდილობ, ვნახოთ რა გამომივა.

დღეს Surf's Up-ს ვუყურე, ძალიან მომეწონა, დიდი სიამოვნება მივიღე არა მარტო სცენარით, არამედ გრაფიკული შესრულებითაც, გირჩევთ თქვენც უყუროთ.

ახლა Mr. Tom - Patrick Watson ვუსმენ, რაღაც სევდა შემომაწვა და წერის სურვილი გამიჩნდა. არ ვიცოდი რაზე დამეწერე და ამიტომ გადავწყვიტე მიმომეხილა ნაკლებად საინტერესო ჩემი ცხოვრება.

ცოტა ხნით გემშვიდობები ჩემო ბლოგუნა, სანამ წერის სურვილი დამიბრუნდება.

დიჰიდრომონოქსიდი

მინდა დავწერო რიგ გარეშე პოსტი, საერთოდ არ ვაპირებდი რამის დაწერას, მაგრამ ახლა შემთხვევით წავაწყდი ჩემს მიერ ნათარგმნ ერთ სტატიას. ძალიან საინტერესო და სახალისოა. წაიკითხეთ. დამიჯერეთ არ ინანებთ.


90-იანი წლების დასაწყისში ერთმა პოპულარულმა მეცნიერულმა, ამერიკულმა, ჟურნალმა გამოაქვეყნა ასეთი სტატია:
,,უკანასკნელ ხანებში მეცნიერებმა აღმოაჩინეს წყლის დაბინძურება საშიში ქიმიკატით. ეს ქიმიკატი უფერო, უგემო, უსუნოა და სრულად იხსნება წყალში. მთავრობამ არ მიიღო ზომები ამ პრობლების მოსაგვარებლად. ამ ქიმიკატის სახელწოდებაა დიჰიდრომონოქსიდი. ქიმიკატი გამოიყენება შემდეგი მიზნებისათვის:

• გამხსნელ და გამაგრილებელ საშუალებად წარმოებაში;
• პენოპლასტის წარმოებაში;
• ცეცხლსაქრობებში;
• ბევრ ქიმიურ და ბიოლოგიურ ლაბორატორიაში;
• პესტიციდების წარმოებაში;
• დამატებად ე.წ. JUNK-FOOD-ში (არაჯანსაღი საკვები) და სხვა პროდუქტებში.

ქიმიკატის მიერ გამოწვეული საშიშროებანი

• ქიმიკატი მონაწილეობს მჟავურ წვიმაში;
• აჩქარებს კოროზიას და აზიანებს ელექტროსადენების უმრავლესობას;
• ქიმიკატის მყარ ფორმასთან დიდი ხნის ურთიერთობისას შესაძლოა ადამიანს კანი დაუზიანდეს;
• ქიმიკატის აირად მდგომარეობასთან კონტაქტი იწვევს დამწვრობას;
• მისი, თუნდაც მცირე რაოდენობის, შესუნთქვა იწვევს სიკვდილს;
• ქიმიკატი აღმოჩენილია ავთვისებიან სიმსივნეში და მსგავს დაავადებებში;
• ქიმიკატი იწვევს მასზე დამოკიდებულებას, შეკავების შემთხვევაში მსხვერპლი იღუპება 168 საათში;
• წყლის არცერთ ფილტრს არ შეუძლია მთლიანად გაასუფთაოს წყალი ამ ქიმიკატისაგან;

მიუხედავად ამ საშიშროებისა, ქიმიკატი აქტიურად და დაუსჯელად გამოიყენება ინდუსტრიული გიგანტების მიერ. უამრავი კორპორაცია ყოველდღიურად ღებულობს ტონობით ქიმიკატს, მიწის ქვევით არსებული მილებიდან. ამ ქიმიკატთან მომუშავე ხალხი, როგორც წესი, არ იღებს სპეცტანსაცმელს და ინსტრუქტაჟს. ტონობით გადამუშავებული ქიმიკატი იღვრება მდინარეებსა და ზღვებში. ჩვენ მოვუწოდებთ მოსახლეობას გამოიჩინოს კეთილგონიერება და წინ აღუდგეს ამ საშიში ქიმიკატის მომავალში გამოყენებას.”
ერთი კვირაში სტატიამ გამოიწვია ფურორი მოსახლეობაში. ათასობით მომიტინგე გამოვიდა პლაკატებით, მოთხოვნით დაუყოვნებლივ შეეწყვიტათ დიჰიდრომონოქსიდის გამოყენება ყოველდთღიურად. ერთ-ერთი მერობის კანდიდატი ალისო ბიეჯო (შტატი კალიფორნია) სიტყვითაც კი გამოვიდა და დადო პირობა, რომ აკრძალავდა ამ ქიმიკატს მისი არჩევის შემთხვევაში.
სიმართლე გაირკვა. სტატიის ავტორი გაანთავისუფლეს რედაქციიდან, მერმა წააგო არჩევნები, ჟურნალს სასამართლოში უჩივლეს, მაგრამ მოსამართლემ მოთხოვნა არ დააკმაყოფილა, რადგან რაც სტატიაში დაიწერა სრულ სიმართლეს წარმოადგენდა.

დიჰიდრომონოქსიდი, იგივე H2O, არის უბრალო სამელი წყალი.

Fish

დღეს კიდევ ერთხელ დავრწმუნდი, რომ ინტერნეტი უკიდეგანო სივრცეა..

ყველაფრის მოძიებაა შესაძლებელი, მხოლოდ მონდომებაა საჭირო. მაგრამ მე სულ სხვა რამეზე მინდა დავწერო.. სრულიად შემთხვევით, ყოველგვარი ძიების გარეშე აღმოვაჩინე ინგლისელი როკ/პოპ-მუსიკოსი Fish.. წარმოგიდგენიათ?! პროგრესიულ როკ ჯგუფ მარილიონის ყოფილი ლიდერი და ვოკალისტი, პერკუსიონისტი და მსახიობი. იგი ზუსტად იმ მუსიკას ქმნის, რომელსაც მე ვუსმენ, და ეს ყველაფერი სრულიად შემთხვევით. ერთ ჩვეულებრივ დღეს შევედი YouTube-ზე და ჩემს მთავარ გვერდზე Fish-ი დავინახე.

აქვე პატარა მიმოხილვა..

მებაღეობისა და მეტყევეობის შემდეგ, Fish-მა (დერეკ უილიამ დიკი), 1981 წელს, ბრიტანულ სცენაზე გასვლა სცადა. მსმენელის ყურადღება მიიქცია მისმა გამოჩენამ ჯგუფში მარილიონი. ჩარტებში წარმატება მოპოვებული იქნა მუსიკოსის ქარიზმატული იმიჯით, დინამიური სასცენო მოძრაობებით, ჯგუფის მელოდიური სიმღერებით და არანაკლებ მნიშვნელოვანი ფაქტორით - Fish-ისა და პიტერ გებრიელის ვოკალების მსგავსებით.

მარილიონიდან წასვლის შემდეგ Fish-ს საკმაოდ წარმატებული სოლო-კარიერა ჰქონდა. თუმცა იგი არასოდეს ივიწყებდა ჯგუფს, რომელმაც წარმატება მოუტანა და 2007 წლის 26 აგვისტოს მის ერთ-ერთ კონცერტს შეუერთდა მარილიონის თითქმის ყველა წევრი.

ამჟამად Fish-ს შემოქმედებითი პაუზა აქვს, რადგან პრობლემები აქვს ყელთან დაკავშირებით, რაც სიმღერის დროს პრობლემას უქმნის.

ძალიან მომწონს, რომ არ დამეწერა არ შემეძლო.

მოუსმინეთ, იქნებ თქვენც მოგეწონოთ.

არა რაღაცა არსებობს..

Facebook
Fish
Fish

შუქი ჩაქრა

დედის გულზე მიდევს თავი. ცხადსა და სიზმარს შორის ჩამესმის ღიღინი,The Bee Gees - How Deep is Your Love.

აქვე პატარა ისტორია: როცა Bee Gees ინგლისში ჩავიდა, კონცერტის ყველა ბილეთი John Lennon-ს უყიდია და კონცერტის დღეს მთელს სტადიონზე მხოლოდ ის იყო. Bee Gees ამაზე სიმღერაც კი დაუწერია (სახელი ვერ გაიხსენა).

შუქი მოვიდა.

მივხვდი, არა ვიცოდი, რომ დედიკო ძალიან მიყვარს, თუმცა ამის დასამტკიცებლად ჯერ არაფერი გამიკეთებია და არც ვაკეთებ.

დე იცოდე, რომ ძალიან მიყვარხარ.

ვიცი არასდროს წაიკითხავ ამ პოსტს, მაგრამ მინდა მოგილოცო დაბადების დღე, დიდხანს სიცოცხლე გისურვო და რაღა თქმა უნდა ჯანმრთელობა.

ვიცი არაფრის მომცემი პოსტია, მაგრამ მინდა ეს დღე დიდხანს მახსოვდეს და ამიტომაც ვწერ პოსტს.

Laura Laine

Laura Laine-ი 26 წლის მოდური ილუსტრატორია ფინეთიდან. იგი სწავლობდა ხელოვნებისა და დიზაინის უნივერსიტეტში ჰელსინკში მოდელილების ფაკულტეტზე. სწავლის დამთავრების შემდეგ მასთან თანამშრომლობდნენ ისეთი კომპანიები, როგორიცაა: Zara, Tommy Hilfiger, H&M, Iben Hoej, Daniel Palillo, The New York Times Magazine, Elle Girl, The Guardian, and Páp Magazine.
Laura Laine-ის ილუსრტაციები, რომელშიც დომინირებს შავი და თეთრი ტონები ძალიან ლამაზი, დახვეწილი და ნატიფია, მაგრამ ამავდროულად ბნელი და ექსცენტრიული. ძალიან მომწონს მისი ილუსტრაციები და მინდა თქვენც გაგიზიაროთ.















































Laura Laine

ქამელეონი

ალბათ ყველას გსმენით ქამელეონის უნიკალურობის შესახებ, მართლაც საოცარია მისი გარდასახვის უნარი. გარემოს შესაბაამასად ფერის ცვლილება მხოლოდ მისთვისაა დამახასიათებელი. დარწმუნებული ვარ, რომ ერხთხელ მაინც ყველას გასჩენია სურვილი, წამით უხილავი ყოფილი გამოუვალ და უხერხულ სიტუაციაში. ბევრისთვის ამოუცნობია ეს ფენომენი, ამიტომაც გადავწყვიტე ამის შესახებ დავწერო.



ქამელეონის კანში სამი ფერის საღებავია: შავი, ყვითელი და წითელი. ყოველი მათგანი ავსებს სპეციალურ უჯრედებს - ქრომატოფორებს. ქრომატოფორებს შეუძლიათ შეიკუმშონ პაწაწინა წერტილივით, მაგრამ ამასთანავე შეუძლიათ გაფართოვდნენ კიდეც. ამ შემთხვევაში ისინი პატარა ვარსკვლავების ან ობობების ფორმას იღებენ და ცხადია ამ მდგომარეობაში გაცილებით მეტ ფართობს იკავებენ.
შავი ქრომატოფორები ფართოვდებიან წითლებთან ერთად, ხოლო ყვითლები იკუმშებიან, ქვეწარმავალი ყავისფერ ფერს იღებს, თუკი ყვითელს ოდნავ შავი შეერევა, მას მწვანე ან მოცისფროი ფერი გადაჰკრავს.
თუ ყოველივე ეს სხეულის სხვადასხვა ნაწილში სხვადასხვაგვარად ხდება, მაშინ სხეულზე შეიძლება წარმოიქმნას ნაირნაირი ნახატი.
ეს ყველაფერი გასაგებია, მაგრამ ყველაზე საინტერესოა როგორ ხვდება თითოეული ქრომატოფორი როდის უნდა შეიკუმშოს და როდის უნდა გაბართოვდეს.. ამ ყველაფერს კი ის ნერვული იმპულსები არეგულირებს, რომელიც ნერვული სისტემიდან მოდის.


მართლაც საოცარი და ამოუცნობია ჩვენი სამყარო, ქამელეუნს ღმერთმა უნიკალური თავდაცვითი მექანიზმი არგუნა, მაგრამ სამაგიეროდ მას არ აქვს განვითარებული სმენის აპარატი

BIOLOGY: ბაყაყები

ბავშვობიდან მაინტერესებდა ბიოლოგია, სხვადასხვა თევზის, მწერის, ფრინველის თუ ქვეწარმავლის ანატომია, ფიზიოლოგია და ცხოვრების ნირი. როცა პირველ კურსზე ბაყაყი გავჭერით და მისი კუნთების აგზნებადობაზე ჩავატარეთ ცდები ეს იყო ნამდვილი ზეიმი ჩემთვის, კარგა ხანი ვინახავდი ასანთის კოლოფში ბაყაყის აყროლებულ თვალს, მაგრამ მერე რა ბედი ეწია აღარ ვიცი, დაიკარგა სადღაც.

მოკლედ ეს ამხელა შესავალი იმისთვის გავაკეთე, რომ გამცნოთ გადავწყვიტე გავაკეთო ახალი განყოფილება ჩემს ბლოგზე სახელწოდებით BIOLOGY . დავწერ მხოლოდ იმ ცხოველებზე, რომლებიც ყველაზე საიტერესოდ მეჩვენება, მათი განსაკუთრებულობისა და სხვებისგან განსხვავებულობის კრიტერიუმით.

პირველი პოსტი მინდა მივუძღვნა რაღა თქმა უნდა ბაყაყებს. (თემატურად ჩაჯდა და მხოლოდ მაგიტომ :P)

ბაყაყები

ბაყაყები და გომბეშოები მიეკუთვნებიან ამფიბიებს - ხერხემლიანთა ჯგუფს. ისინი ცივსისხლიანი ორგანიზმები არიან, რადგან მათი სხეულის ტემპერატურა გარემოს ტემპერატურის ტოლია.

საკმაოდ ბევრი რამის დაწერა შეიძლება ბაყაყებზე: სხეულის ფორმის, გადაადგილების თავისებურების, გამრავლებისა და განვითარების შესახებ, მაგრამ ვფიქრობ ყველაზე საინტერესო მათი კვება და თავდაცვის მექანიზმია.

მაშ ასე კვება: ბაყეყები, ძირითადად, ცოცხალი, მოძრავ მსხვერპლზე ნადირობენ. უმეტესობა მწერებით იკვებება. მსხვერპლის სიდიდე კი დამოკიდებულია თავად ბაყაყზე და მისი პირის სიდიდეზე..

როგორც კი მსხვერპლს დააფიქსირებს, ბაყაყი მობრუნდება და მისკენ გაექანება. მსხვერპლის იგი იჭერს თავისი წებოვანი ენით. ბაყაყი კბენისა და ღეჭვის გარეშე, პირდაპირ ყლაპავს მსხვერპლს, ამ დროს მისი თვალები იბერება პირის ღრუს შიდა მხარეზე, რაც მას ხახის მიმართულებით საკვების გადაგზავნაში ეხმარება, მაგრამ ხანდახან ასეც ხდება :D

თავდაცვა: ბაყაყებით მრავალი სხვადასხვა სახის ცხოველი იკვებება, რის გამოც, მათ გამოიმუშავეს რეაქციების ფართო სპექტრი და, ასევე, სხვადასხვა ადაპტაციები. ზოგიერთი სახეობის წარმომადგენელი ამ დროს ძლიერ აგრესიული ხდება და მტაცებელს არ გაურბის, მიუხედევად იმისა, რომ მათ ნამდვილი კბილებიც კი არ აქვთ. თავად ეს ფაქტი ძლიერ შთამბეჭდავია. ბაყაყების გარკვეულ ჯგუფს კი ამგვარ შემთხვევაში მხოლოდ თავისი შეფერილობის ან მოხატულობის იმედი აქვს. ხეებზე მხოხავი ბაყაყების უმრავლესობა მოსვენებისას ერთგვაროვნად, ყავისფრად ან მწვანედაა შეფერილი, თუმცა საშიშროების დროს ისინი სწრაფად ბრუნდებიან და გამოაჩენენ სხეულის შიდა მხარეზე არსებულ კაშკაშა შეფერილობას. ფერის ამგვარი უეცარი ცვლილება ხშირად აბნევს მტაცებელს, ბაყაყი კი ამით სარგებლობს და თავის დაღწევას ახერხებს.

სულ ეს იყო, იმედია მოგეწონათ.. შევეცდები მომავალში უფრო საინტერესო ფაქტები მოგაწოდოთ.

The Great Gig In The Sky

"And I am not frightened of dying, any time will do, I

Don't mind. Why should I be frightened of dying?

There's no reason for it, you've gotta go sometime."

"I never said I was frightened of dying."

Alexandros Vasmoulakis

მხატვარი – Alexandros Vasmoulakis-ი დაიბადა ათენში 1980 წელს. მან დაამთავრა ხელოვნების ინსტიტუტი. Alexandros Vasmoulakis-ი გამოირჩევა თავისი გასნაკუთრებული სტილით.

სხვა არაფრის დაწერა არ შემიძლია, ვიცი ძალიან მშრალი გამომივიდა, სხვა ვერაფერი ვიპოვე მისი ბიოგრაფიის შესახებ.. მაგრამ, როდესაც მის ნახატებს ნახავთ სხვა რამ არ დაგაინტერესებთ, რადგან მისი შემოქმედება ყველაფერს ამბობს ავტორის შესახებ..